Ein lokal klovn? Det òg. Men fyrst og fremst er Piri Puruto III ein kulturberar som syner oss turistane litt av ein måte å leve på som vi veit lite om. Truleg er han den einaste på Rarotonga som framleis kan kunsten å gjere opp eld med ein pinne og ein trestokk. 
Og han let alle ta del i å lage eit måltid av lokale rettar og steike alt i umu'en, ei hole i jorda med steinar som fyrst blir varma opp av eit bål. Og når dei dampande blada som dekkjer umuen blir bretta tilsides etter tre timar og du har pakka opp ei glodheit pakke av palmeblad veit du at du aldri har smakt saftigare kylling.

heim – album  – reisebrev – rarotonga – post – gjestebok